Zehinli talybymyzyň üstünligi
2022-nji ýylyň 11-nji martynda Türkmenistanyň Kärdeşler arkalaşyklarynyň Ahal welaýat birleşmesi bilen «Ahal durmuşy» welaýat gazetiniň redaksiýasy bilelikde Halkara zenanlar güni mynasybetli yglan eden «Ömrüňizden nusga alýar nesiller» atly döredijilik bäsleşiginiň jemleri jemlendi.
Ene-mamalarymyzdan miras galan, zenanlarymyzyň çeper ellerinden, yhlasyndan kemala gelen milli el hünärlerimiziň aýratynlyklaryny görkezmek, olaryň ýerine ýetiriliş usullarynyň tärlerini gelin-gyzlaryň arasynda ýaýbaňlandyrmak maksady bilen geçirilen bu bäsleşikde surat çekmek, şeýle-de edebi eserler (makalalar, oçerkler, goşgular, nowellalar...) ýazmak boýunça aýratynlykda orunlar kesgitlenildi. Bäsleşigiň netijelerine görä institutymyzyň Halkara žurnalistikasy fakultetiniň II ýyl talyby Aýlar Atajykowa baýrakly orna mynasyp bolmagy başardy. Biz hem ýeňiji talybymyzy gazanan üstünligi bilen gutlaýarys!
Gyzlargül ANNAGURDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.