ÝYLYŇ ŞYGARYNA BAGYŞLANAN OKUW SAPAGY
2026-njy ýylyň 15-nji aprelinde Türkmenistanyň Daşary işler ministrliginiň Halkara gatnaşyklary institutynda 2026-njy ýylyň «Garaşsyz, baky Bitarap Türkmenistan — bedew batly at-myradyň mekany» ýyly diýlip yglan edilmegi mynasybetli «Gadamy batly bedewler — okgunly ösüşleriň nyşany» atly okuw sapagy geçirildi. Ony Halkara gatnaşyklary we diplomatiýa kafedrasynyň mugallym-öwrenijisi Selbi Gandymowa alyp bardy.
Okuw sapagynda S.Gandymowa 2026-njy ýylyň şygarynda bedew atymyzyň türkmen halkynyň milli buýsanjynyň, gaýratynyň we ösüşe okgunlygynyň nyşany hökmünde çykyş edýändigini belledi. Şeýle hem ýylyň nyşany ýurdumyzda alnyp barylýan döwlet syýasatynyň üstünliklerini, halkymyzyň agzybirligini, parahatçylyk söýüjiligini we geljege bolan ynamyny alamatlandyrýandygyny nygtady.
Sapagyň ahyrynda talyplar mugallyma beren gyzykly gürrüňleri üçin köp sagbolsun aýtdylar we özlerini gyzyklandyrýan soraglaryny berdiler. Şeýle sapaklaryň yzygiderli geçirilmegi ýaş hünärmenleriň bilimini we tejribesini artdyrmaga uly mümkinçilikleri döredýär.
Rahym AKMURADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary we diplomatiýa kafedrasynyň
mugallym-öwrenijisi.