ÝUNESKO-nyň işleri barada Türkmenistanyň Milli toparynyň Sekretariatynyň onlaýn webinary
2021-nji ýylyň 14-nji iýunynda Türkmenistanyň Daşary işler ministrliginiň Halkara gatnaşyklary institutynda ÝUNESKO-nyň işleri barada Türkmenistanyň Milli toparynyň “Magtymguly Pyragynyň döredijilik mirasy we umumadamzat gymmatlygy” atly onlaýn webinary geçirildi.
Webinara Halkara gatnaşyklary institutynyň we birnäçe ýokary okuw mekdepleriniň professor-mugallymlary, talyp ýaşlary, şeýle hem ÝUNESKO-nyň işleri barada Türkmenistandaky we daşary ýurtlardaky milli toparlarynyň wekilleri sanly wideoaragatnaşyk ulgamy arkaly gatnaşdylar.
Türkmenistanyň Daşary işler ministrliginiň Halkara gatnaşyklary institutynyň okuw işleri boýunça prorektory Gülşat Ýusupowanyň alyp barmagynda geçirilen webinaryň açylyşynda institutyň rektory, taryh ylymlarynyň kandidaty Jumamyrat Gurbangeldiýew giriş sözi bilen çykyş etdi.
Webinaryň barşynda ÝUNESKO-nyň işleri barada Türkmenistanyň milli toparynyň jogapkär sekretary Çynar Rüstemowa, ÝUNESKO-nyň Aziýa Ýuwaş umman sebiti ýurtlarynyň başlygy Andreý Şewelew (Pariž), ÝUNESKO-nyň Tährandaky sebitleýin edarasynyň başlygy Swetan Swetowskiý, ÝUNESKO-nyň işleri barada Türkiýäniň hem-de Täjigistanyň Milli toparlarynyň ýolbaşçylary, şeýle hem Aziýa, Merkezi Aziýa ýurtlarynyň alymlary Magtymguly Pyragynyň döredijiligine degişli dürli mowzuklarda täsirli çykyş etdiler.
Gytja ATDAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara
žurnalistikasy fakultetiniň I ýyl talyby.