Ykdysady diplomatiýa ugrundan geçirilen okuw sapagy
2023-nji ýylyň 29-njy martynda Türkmenistanyň Daşary işler ministrliginiň Halkara gatnaşyklary institutynyň Türkmenistanyň diplomatiýasynyň möhüm ugurlary boýunça okuw merkezinde ykdysady diplomatiýa ugrundan «Türkmenistan-Hytaý: ykdysady hyzmatdaşlygyň täze tapgyry» atly okuw sapagy geçirildi. Oňa Türkmen döwlet ykdysadyýet we dolandyryş institutynyň talyplary gatnaşdylar.
Okuw sapagyny Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň uly mugallymy M.Mämedowa alyp bardy.
Sapagyň dowamynda mugallym M.Mämedowa Hytaý Halk Respublikasy bilen Türkmenistanyň arasynda ykdysady diplomatiýanyň üstünlükli ösüşüniň aýratynlyklary, iki döwletiň ykdysady gatnaşyklarynyň eýe bolan täze taryhy tapgyry barada täsirli gürrüň berdi. Sapakda şeýle hem Hytaýyň ykdysadyýetiniň dünýä döwletleriniň ykdysady ösüşine ýetirýän oňyn täsirleriniň üstünde durlup geçildi.
Ookuw sapagynyň barşynda talyplaryň sowallaryna anyk mysallaryň üsti bilen jogaplar berildi.
Rejepbaý ALYMOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň I ýyl talyby.