ÝHHG-niň okuw maslahatynyň jemleri boýunça duşuşyk
2025-nji ýylyň 24-nji dekabrynda Ýewropada Howpsuzlyk we Hyzmatdaşlyk Guramasynyň Aşgabatdaky Merkezi binasynda media we maglumat sowatlylygy boýunça tälimçileriň okuw maslahatyny tamamlan wekiller bilen duşuşyk geçirildi. Oňa Türkmenistanyň Mejlisiniň, Bilim, Adalat ministrlikleriniň, Ýokary kazyýetiň, Döwlet, hukuk we demokratiýa institutynyň, Döwlet habarlar agentliginiň, Türkmenistanyň Daşary işler ministrliginiň Halkara gatnaşyklary institutynyň, Halkara ynsanperwer ylymlary we ösüş uniwersitetiniň, Halkara habarlar merkeziniň, «Нейтральный Туркменистан», «Adalat» gazetleriniň wekilleri gatnaşdylar.
Duşuşyk turuwbaşdan işjeň häsiýete eýe bolup, onuň dowamynda media we maglumat sowatlylygy boýunça geçirilen tälimçileriň okuw maslahatynyň netijeleri ara alnyp maslahatlaşyldy. Mälim bolşy ýaly, sanly tehnologiýalaryň mümkinçilikleriniň yzygiderli ösýän döwründe ýaş nesilleriň media we maglumat sowatlylygyny kämilleşdirmek esasy wezipeleriň biri bolup durýar. Şeýle duşuşyklaryň yzygiderli geçirilmegi bu babatda özara pikir alyşmakda we halkara hyzmatdaşlygyny berkitmekde möhüm ähmiýete eýedir.
Oguloraz EÝEBERDIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Žurnalistikanyň nazaryýeti we amalyýeti kafedrasynyň
uly mugallymy.