Ýatkeşligi ösdürýän kitap
2023-nji ýylyň 25-nji aprelinde Türkmenistanyň Daşary işler ministrliginiň Halkara gatnaşyklary institutynda talyplaryň ýatkeşligini ösdürmek maksady bilen Kewin Horsliniň (Kevin Horsley) «Unlimited Memory: How to Use Advanced Learning Strategies to Learn Faster, Remember More and Be More Productive» atly kitaby tanyşdyryldy. Kitap tanyşdyrylyş çäresine institutyň mugallymlary hem-de talyp ýaşlary gatnaşdylar.
Kewin Horsliniň bu kitabynda adam ýadyny gowulaşdyrmak üçin zerur bolan ähli gurallary, strategiýalary we usullary tapyp bolýar. Bu kitap möhüm maglumatlary derrew uly göwrümde ele almagy we hakykatdanam zerur zada üns bermegi öwrenmäge ýakyndan ýardam edýär.
Ýeri gelende belläp geçsek, Kewin Horsli 25 ýyldan gowrak wagt bäri adamyň ýadynyň we beýnisiniň adatdan daşary güýçlerini seljerýär. Ol ýatkeşlik boýunça bütindünýä grand-magistr derejesine eýe bolan az sanly adamlaryň biridir.
Gurbansähet GURBANSÄHEDOW,
Türkmenistanyň Daşary işler ministrliginiň
Halkara gatnaşyklarynyň institutynyň
Halkara žurnalistikasy fakultetiniň II ýyl talyby.