Ýaş žurnalistleriň hünär ugry boýunça okuw sapagy geçirildi
2025-nji ýylyň 26-njy noýabrynda Türkmenistanyň Daşary işler ministrliginiň Halkara gatnaşyklary institutynda Žurnalistikanyň nazaryýeti we amalyýeti kafedrasynyň guramagynda «Internet žurnalistikasy» dersini ugurdaş hünärler bilen internetiň üsti arkaly kämilleşdirmegiň ýollary barada okuw sapaklaryny guramak boýunça seminar geçirildi. Oňa institutyň halypa mugallymlary we Halkara žurnalistikasy fakultetiniň 4-nji ýyl talyplary işjeň gatnaşdylar.
Okuw sapagyny Žurnalistikanyň nazaryýeti we amalyýeti kafedrasynyň mugallymy Aýnabat Nazarowa alyp bardy we ol öz çykyşynda häzirki wagtda bütin dünýäde köpçülikleýin habar beriş serişderlerine internetiň ýetirýän täsiri dogrusynda, şeýle hem interneti ygtybarly maglumat çeşmesi hökmünde peýdalanmak babatda anyk deliller esasynda gerekli maglumatlary paýlaşdy.
«Internet žurnalistikasy» dersi boýunça talyplar özlerini gyzyklandyrýan soraglara ýerlikli jogaplary aldylar. Bu okuw sapagy geljekki halkaraçy žurnalistleriň hünär başarnyklaryny has-da baýlaşdyrmaga ýakyndan ýardam eder.
Maýa GURDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň
IV ýyl talyby.