Ýaş diplomatyň sesi gazetiniň 28-nji sany çapdan çykdy
Ýakynda Türkmenistanyň Daşary işler ministrliginiň Halkara gatnaşyklary instituty tarapyndan her aýda iki gezek çap edilýän «Ýaş diplomatyň» sesi elektron gazetiniň 28-nji sany 8 sahypa möçberinde çapdan çykdy.
Üç dilde neşir edilýän gazetimiziň bu sanynyň ilkinji sahypasynda Türkmenistanyň Prezidenti Serdar Berdimuhamedowyň wezipä girişmek dabarasy mynasybetli «Arkadagly Serdar geldi» atly syýasy teswir ýerleşdirilendir.
Gazetiň 2-nji we 3-nji sahypalarynda institutyň Dünýä dilleri kafedrasynyň mugallymy Aýna Sätgeldiýewanyň «Turkmenistan and OECD», Halkara žurnalistikasy fakultetiniň III ýyl talyby Gurbanjemal Egirjäýewanyň «Ýoluňyz ak bolsun, işiňiz rowaç!», Halkara žurnalistikasy fakultetiniň I ýyl talyplary Annaberdi Kaşaňow we Jennet Myradowanyň «Самое оперативное агентство», «World poetry day», Halkara žurnalistikasy fakultetiniň II ýyl talyby Meýlis Sadykowyň «Международный день новруз» atly makalalary bilen tanşyp bilersiňiz.
Elektron neşirimiziň 4-nji sahypasynda Halkara žurnalistikasy fakultetiniň I ýyl talyby Ajaýyp Nobatowanyň “Sözlük – gymmatly hazyna” atly söhbetdeşligi şeýle-de şol fakultetiň III ýyl talyby Gurbanjemal Ödegurbanowanyň “Meksikan žurnalistikasynyň aýratynlyklary” atly makalasy ýerleşdirilendir.
Gazetimiziň 5-nji sahypasy hem iň bir söýlüp okalýan sahypalaryň biridir. Sebäbi onda ýurdumyzda we halkara giňişliginde bolup geçen wakalary bir ýere jemleýän «Türkmenistan Halkara media giňişliklerinde» we «Dünýä täzelikleri» rubrikalarynyň astynda dünýäniň iň soňky habarlary çap edilýär. Bu sahypada institutymyzyň I ýyl talyplary Annaberdi Kaşaňowyň, Muhammetmyrat Narmedowyň rus we iňlis dillerinde taýýarlan birnäçe habarlaryny okap bilersiňiz.
«Ýaş diplomatyň sesi» gazetimiziň 6-njy we 7-nji sahypalaryny tutuşlygyna eýeleýän, institutymyzyň mugallymy, ýazyjy Gurbannazar Orazgulyýewiň “Kitap okan gullar magnydan dokdur”, şeýle-de Halkara žurnalistikasy fakultetiniň II ýyl talyby Aýlar Atajykowanyň “Ýaý – Kaknus guşudyr, peýkam ganaty” atly ajaýyp makalalary ýerleşdirilipdir.
Mundan başga-da, gazetimiziň 8-nji sahypasynda institutymyzyň mugallymy Selbi Nazarowanyň “Nowruz geldi ilime” atly makalasy bilen tanşyp bilersiňiz.
Şeýle-de, bu sahypamyzyň «Şygryýet» bölüminde institutymyzyň Halkara žurnalistikasy fakultetiniň talyplary Tawus Akjaýewa, Seýli Aryşowyň «Söýüň birek-biregi», «Baharda öwsen yşk şemaly» atly goşgulary okyjylara ýetirilipdir.
Gazetimiziň elektron görnüşini Türkmenistanyň Daşary işler ministrliginiň
Halkara gatnaşyklary institutynyň www.iirmfa.edu.tm internet saýtynda, şeýle hem internet portalynda iirmfa.nesil.edu.tm salgy arkaly okap bilersiňiz.
Makalalary we dürli namalary redaksiýamyza ugratmak üçin gazetimiziň şu aşakdaky
Gyzlargül ANNAGURDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.