“Wodorod energiýasynyň ösüşiniň geljegi” atly okuw maslahaty
2022-nji ýylyň 28-nji fewralynda Türkmenistanyň Daşary işler ministrliginiň Halkara gatnaşyklary institutynda Ýewropada Howpsuzlyk we Hyzmatdaşlyk Guramasynyň ýardam bermeginde “Wodorod energiýasynyň ösüşiniň geljegi” atly wideoaragatnaşyk okuw maslahaty geçirildi. Bu okuw malahatyna degişli pudaklaýyn dolandyryş edaralarynyň wekilleri, şeýle hem institutymyzyň talyplary gatnaşdylar.
Göni wideoaragatnaşyk arkaly geçirilen maslahatda ÝHHG-nyň Aşgabatdaky ýolbaşçysy Jon Mak-Gregor, Ýe. Žuçenko, I. Filýutiç çykyş etdiler. Hormatly wekiller özleriniň çykyşynyň dowamynda wodorod energiýasy, onuň ösüşi, şeýle-de ykdysady täsiri barada giňişleýin maglumatlar berdiler. Täsirli çykyşlardan soň, talyplar hormatly wekillere özlerini gyzyklandyrýan sowallar bilen ýüzlendiler.
Arslan SYÝAHATOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.