Watan gahrymanlary baky ýaşaýar
2023-nji ýylyň 8-nji maýynda Türkmenistanyň Döwlet medeniýet
merkeziniň Döwlet muzeýinde Beýik Ýeňşiň 78 ýyllyk baýramy mynasybetli
«Watan gahrymanlary baky ýaşaýar» atly sergi gurnaldy. Sergä hormatly
myhmanlar bilen bir hatarda Türkmenistanyň Daşary işler ministrliginiň Halkara
gatnaşyklary institutynyň Žurnalistikanyň nazaryýeti we amalyýeti kafedrasynyň
“Ýaş žurnalistler” ylmy-döredijilik gurnagynyň işjeň agzalary hem gatnaşdylar.
Serginiň girişi hormatly Prezidentimiziň portreti, Döwlet nyşanlarynyň
fotosuratlary bilen açylýar. Garaşsyzlygymyzy, Bitaraplygymyzy, parahatçylygy,
asudalygy, wasp edýän zergärçilik eserlerine, türkmen zenanlarynyň fronta kömek
üçin kümüş bezeg-şaýlary, ýyly egin-eşikleri tabşyryp duran, şonuň ýaly-da, söweş
meýdanlaryndaky esgerlerden gelen hatlaryň okalyp durlan pursatlaryny
şöhlelendirýän dokumental fotosuratlaryna aýratyn orun berlipdir. Gahryman
Arkadagymyzyň “Älem içre at gezer” atly kitabynyň şekili çitilen haly pannosy
sergä aýratyn gelşik berýär.
Sergide Beýik Watançylyk urşunda ulanylan aragatnaşyk enjamy, Lallyk
hanyň fronta iberen serişdelerinden ýasalan tankyň kiçeldilen nusgasy, dürbi,
söweş torbasy, ot açýan ýaraglar we söweşde gahrymançylyk görkezen esgerleri
tapawutlandyrmak üçin döredilen ordenleriň, medallaryň, frontdan gelen üçburçly
hatlaryň, edermenlik görkezen harby esgerleriň şahsy dokumentleriniň goýulmagy
oňa gatnaşyjylar üçin has-da täsirli boldy.
Akmuhammet BAÝLYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň Ii ýyl talyby.