WAGYZ-NESIHAT DUŞUŞYGY GEÇIRILDI
2026-njy ýylyň 15-nji maýynda Türkmenistanyň Daşary işler ministrliginiň Halkara gatnaşyklary institutynyň Jemgyýeti öwreniş ylymlary kafedrasynyň guramagynda sagdyn durmuş ýörelgelerini ýaşlaryň arasynda ündemek maksady bilen wagyz-nesihat duşuşygy geçirildi.
Institutyň professor–mugallymlarynyň we halypa hukukçylaryň gatnaşmagynda geçirilen duşuşyk kanun bozulmalarynyň öňüni almak, ýol hereketiniň kadalaryny berjaý etmek, sagdyn durmuş we ahlak ýörelgelerini hem-de hukuk medeniýetini kämilleşdirmek we ýaşlaryň watançy bolup ýetişmeklerine gönükdirilen çäre örän täsirli boldy. Ýurdumyzda amala aşyrylýan hukuk özgertmeler barada, parlament diplomatiýasynyň ähmiýeti we Türkmenistanyň bu ugurda toplan baý tejribesi barada talyp ýaşlar sorag - jogap arkaly maglumat alyşdylar.
Çykyş edenler Berkarar döwletiň täze eýýamynyň Galkynyşy döwründe Garaşsyz, hemişelik Bitarap Türkmenistan döwletimizde her bir raýat hakynda taýsyz tagallalary hem-de ýadawsyz aladalary edýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza hoşallyk sözlerini aýtdylar.
Sahydöwlet HÜMMETJUMAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň 3-nji ýyl talyby