Ulag diplomatiýasy boýunça okuw sapagy
2023-nji ýylyň 20-nji martynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlarynyň biri bolan ulag diplomatiýasy boýunça okuw merkeziniň guramagynda “Ulag babatda Türkmenistanyň başlangyçlary esasynda BMG tarapyndan kabul edilen Kararnamalaryň ähmiýeti” atly tema boýunça okuw sapagy geçirildi. Bu okuw sapagyny Birleşen Milletler Guramasynyň Ösüş Maksatnamasynyň Türkmenistandaky wekilhanasynyň maksatnama boýunça departamentiniň başlygy Röwşen Nurmuhammedow alyp bardy. Täze, gyzykly maglumatlara baý bolan bu sapagyň dowamynda talyp ýaşlar Türkmenistanda ulag diplomatiýasynyň ösüşi barada özlerini gyzyklandyrýan sowallar bilen halkara bilermenlere ýüzlenip, bu ugurdan olar takyk we giňişleýin jogap aldylar. Talyp ýaşlar üçin bu okuw sapagy örän täsirli geçdi.
Muhammetguly KULYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň II ýyl talyby.