Ulag diplomatiýa ugry boýunça okuw sapagy
2023-nji ýylyň 2-nji martynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlarynyň biri bolan ulag diplomatiýasy boýunça okuw merkeziniň gurnamagynda “Türkmenistanyň üstaşyr geçelge mümkinçiliklerini netijeli ulanmak, ulag gatnawlarynda üstaşyr, päsgelçilikleri aradan aýyrmak hem-de gümrük iş usullaryny ýönekeýleşdirmek we kämilleşdirmek boýunça halkara tejribeleri ornaşdyrmagyň ähmiýeti” atly temada okuw sapagy geçirildi. Bu okuw sapagyna “Türkmen Logistika” Assosiasiýasynyň esasy hünarmeni, şeýle hem Türkmen döwlet maliýe institutynyň talyplary gatnaşdylar. Talyplar üçin okuw sapagy örän täsirli boldy. Täze-täze maglumatlara baý bolan bu sapagyň dowamynda Türkmenistanyň ulag diplomatiýasynyň ösüşi barada talyp ýaşlar mugallymlara hem-de hünarmenlere özlerini gyzyklandyrýan sowallar bilen ýüzlendiler.
Sylap KULLYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň 1-nji ýyl talyby.