TÜRKMENISTANYŇ MUKADDES GARAŞSYZLYGYNYŇ 31 ÝYLLYGY MYNASYBETLI BÄSLEŞIK GEÇIRILDI
Türkmenistanyň Mukaddes Garaşsyzlygynyň 31 ýyllygy mynasybetli Türkmenistanyň Daşary işler ministrliginiň Halkara gatnaşyklary institutynyň Halkara hukugy we deňeşdirme hukuk öwreniş kafedrasynyň “Ýaş hukukçylar” ylmy gurnagynyň gurnamagynda 2022-nji ýylyň 24-nji sentýabrynda bäsleşik geçirildi. Bäsleşige Magtymguly adyndaky Türkmen döwlet uniwersitetiniň we Türkmenistanyň Daşary işler ministrliginiň Halkara gatnaşyklary institutynyň hukuk işi we halkara hukugy hünärinden beýleki hünärlerde okaýan talyplary gatnaşdylar.
Bu bäsleşigiň esasy maksady hormatly Prezidentimiziň adamyň we raýatyň hukuklaryny, azatlyklaryny we borçlaryny ýaşlara giňden düşündirmek boýunça beren tabşyryklaryny durmuşa geçirmek, ýaşlaryň arasynda hukuk medeniýetini kämilleşdirmek bolup durýar. Bäsleşige gatnaşan talyplar “Türkmenistanyň kanunçylygynyň esaslary” dersi boýunça goýulan soraglara jogap berip öz ukyp-başarnyklaryny görkezdiler.
Bäsleşik çekeleşikli geçip, onuň netijeleri boýunça 1-nji orna Magtymguly adyndaky Türkmen döwlet uniwersitetiniň Taryh fakultetiniň 1-nji ýyl talyby Medine Sopytaganowa, 2-nji orna Magtymguly adyndaky Türkmen döwlet uniwersitetiniň Iňlis dili we edebiýaty fakultetiniň 3-nji ýyl talyby Perman Kyýasow we 3-nji orna Türkmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň 3-nji ýyl talyby Dilnoza Muhadowa mynasyp boldular. Ýeňijilere hormat hatlary hem-de we «Nur ýüpek» haryt nyşanly matalar dükanynyň gymmat bahaly ýadygärlik sowgatlary gowşuryldy.
Türkmenistanyň Daşary işler ministrliginiň
Halkara gatnaşyklary institutynyň
Halkara jemagat hukugy ugrunyň magistranty.