“TÜRKMENISTANYŇ GARAŞSYZLYGY – BERKARAR DÖWLETIŇ SARSMAZ BINÝADY” ATLY GEÇIRILEN YLMY-AMALY MASLAHAT
2023-nji ýylyň 20-nji sentýabrynda Türkmenistanyň Ýokary kazyýetiniň, Türkmenistanyň Mejlisiniň we Türkmenistanyň Döwlet, hukuk we demokratiýa institutynyň bilelikde gurnamagynda Türkmenistanyň Garaşsyzlygyň 32 ýyllygy mynasybetli “Türkmenistanyň Garaşsyzlygy – berkarar döwletiň sarsmaz binýady” atly ylmy-amaly maslahat geçirildi.
Maslahata kazyýet edaralarynyň, Türkmenistanyň Mejlisiniň Türkmenistanyň Döwlet, hukuk we demokratiýa institutynyň işgärleri, Türkmenistanyň Daşary işler ministrliginiň Halkara gatnaşyklary institutynyň hem-de Magtymguly adyndaky Türkmen döwlet uniwersitetiniň professor mugallymlary we talyp ýaşlary gatnaşdylar. Şeýle-de, bu maslahata Türkmenistanyň Ýokary kazyýetiniň welaýatlardaky kazyýet edaralarynyň işgärleri hem sanly ulgam arkaly gatnaşdylar. Çykyş edenler biz talyp ýaşlara Türkmenistanyň Garaşsyzlygynyň milli hukuk ulgamyndaky ösüş ugurlaryny, Döwlet dolandyryş ulgamynda sanly ykdysadyýetiň ornuny, Garaşsyzlyk ýyllarynda Türkmenistanyň kazyýet hakynda kanunçylygynyň ösüşi we kämillik ýaşyna ýetmedikler babatda hukuk bozulmalarynyň öňüni almagyň ähmiýeti, Merkezi Aziýada suw serişdelerini rejeli peýdalanmagyň milli we halkara hukuk kadalary barada täsirli gürrüňleri berdiler.
Maslahatyň ahyrynda oňa gatnaşyjylar Berkarar döwletiň täze eýýamynyň Galkynyşy döwründe ýurdumyzy has-da gülledip ösdürmek we öňde goýlan belent wezipeleri üstünlikli durmuşa geçirmek ugrunda yhlas bilen zähmet çekýän halkymyzyň ruhuny belentliklere göterýän Hormatly Prezidentimiziň, türkmen halkynyň Milli Lideri Gahryman Arkadagymyzyň janlarynyň sag, ömürleriniň uzak bolmagyny arzuw etdiler.
Zulfiýa ÝAŇABAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň V ýyl talyby.