“TÜRKMENISTANYŇ DIPLOMATIÝASYNYŇ ENERGETIKA, ULAG WE SUW UGURLARY BOÝUNÇA” INTERNET OLIMPIADASY
2023-nji ýylyň 10-maýynda Türkmenistanyň Daşary işler ministrliginiň Halkara gatnaşyklary institutynyñ Türkmenistanyň diplomatiýasynyň möhüm ugurlary boýunça okuw merkeziniň guramagynda "Türkmenistanyň diplomatiýasynyň energetika, ulag we suw ugurlary boýunça" onlaýn internet olimpiadasy geçirildi. Oña ýurdumyzyñ ýokary okuw mekdepleriniñ, şol sanda Halkara gatnaşyklary institutymyzyň talyplary gatnaşdylar.
Internet olimpiadasyny guraýjylarynyñ aýtmaklaryna görä, bu internet bäsleşigini geçirmegiň esasy maksady Türkmenistanyň Prezidentiniň daşary syýasatyny, ilkinji nobatda, Birleşen Milletler Guramasynyň Baş Assambleýasynda, halkara we sebitara guramalarynyň sammitlerinde energetika, ulag we suw meseleleri boýunça öňe süren netijeli halkara hyzmatdaşlygyny alyp barmaga gönükdirilen halkara başlangyçlaryny hem-de olaryň iş ýüzünde durmuşa geçirilişini çuňňur bilýän kämil, döwrüň talabyna laýyk we zehinli ýaşlary ýüze çykarmakdan ybaratdyr. Şeýle hem Okuw merkeziniň guran bu ýaryşy ýokarda agzalýan ugurlar boýunça amala aşyrylýan ähmiýetli işlere we ýetilen belent sepgitlere talyplaryň ünsüni çekmek bilen, ýurdumyzyň agzalyp geçilýän ugurlarynda olaryň toplan ylym-bilim başarnyklaryny açyp görkezmeklige gönükdirilendir.
Oňlaýn internet olimpiadasynyň jemi ertir, 11-nji maýda jemleniler. Ýeňijiler Halkara gatnaşyklary institutynyň Hormat hatlary bilen sylaglanarlar hem-de olara ýadygärlik sowgatlary gowşurylar.
Laçyn BEKMYRADOWA,
Türkmenistanyň Daşary işler ministrliginiň
Halkara gatnaşyklary institutynyñ
Halkara hukugy fakultetiniň 1-nji ýyl talyby.