TÜRKMENISTANYŇ ADALAT KÖŞGÜNDE HUKUKÇYLAR BILEN SEMINAR GEÇIRILDI
Garaşsyz, hemişelik Bitarap Türkmenistan döwletimiz kämil hukuk namalary esasynda ýurdumyzyň parahatçylyga, abadançylyga gönükdiren ajaýyp mekan hökmünde at-abraýyny, şan-şöhratyny dünýä ýaýýar we daşary ýurtlar bilen birnäçe işler alnyp barylýar. Muňa aýdyň subutnama hökmünde 2022-nji ýylyň 27-nji iýulynda Türkmenistanyň Adalat köşgünde Russiýa Federasiýasynyň Baş Prokuraturasynyň agzalary tarapyndan seminar geçirildi. Bu çärä Türkmenistanyň Ýokary kazyýetiniň, Türkmenistanyň Baş Prokuraturasynyň, Türkmenistanyň Adalat ministrliginiň, Türkmenistanyň Döwlet, hukuk we demokratiýa institutynyň wekilleri we Magtymguly adyndaky Türkmen döwlet uniwersitetiniň, Halkara ynsanperwer ylymlary we ösüş uniwersitetiniň, Türkmenistanyň Daşary işler ministrliginiň Halkara gatnaşyklary institutynyň hukukçy mugallymlary gatnaşdylar. Seminaryň dowamynda hukuk goraýjy edaranyň alyp barýan işleri dogrusynda gürrüň edildi we birnäçe gyzykly sorag - jogap alyşyldy. Bu geçirilýän çäreler, ählumumy parahatçylygy üpjün etmek boýunça işjeň halkara syýasaty alyp barýan, dünýewi, demokratik, hukuk döwletini ynamly gurýan özygtyýarly Watanymyzyň üstünlikleriniň we ýeten derejesiniň ygtybarly hukuk binýady bolup durýar.
Gülsenem HOMMADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň öwreniji mugallymy.