Türkmenistan-BMG hyzmatdaşlygy
Türkmenistan Birleşen Milletler Guramasynyň ilaty ýerleşdirmek boýunça Maksatnamasyna (BMG-Habitat dostlar toparyna) goşulýar. Bu topara Polşa we Zimbabwe döwletleri ýolbaşçylyk edýär. Topar 2022-nji ýylyň iýunynda BMG-niň Baş Assambleýasy bilen Nýu-Ýorkdaky BMG-niň Sekretariatynyň arasynda şäherleşme meseleleri boýunça araçy hökmünde döredildi.
Döwletimiziň bu topara agza bolmagy bilen birnäçe ugurlarda goşmaça mümkinçilikleri döreder. Ýagny, ýaşaýyş jaýlarynyň hilini we ilatly ýerleriň durnukly ösüşini üpjün etmäge gönükdirilen halkara çäreleri geçirmek, şäher ykdysadyýetinde döwlet dolandyryşyny gowulandyrmak maksady bilen ýola goýlan hyzmatdaşlygy güýçlendirmek, ýokary tehnologiýaly, ekologiýa taýdan arassa, sosial taýdan uýgunlaşan şäherleri ösdürmek babatda global maksatnamalary we strategiýalary durmuşa geçirmek ýaly mümkinçilikleri halkymyzyň ýaşaýyş şertlerini has-da döwrebap derejede kämilleşdirmäge ýardam eder.
Bilbil BERDIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň
III ýyl talyby.