Türkmenistan bilen ABŞ-nyň arasyndaky ikitaraplaýyn hyzmatdaşlyk
1776-njy ýylyň 4-nji iýulynda Amerikanyň Birleşen Ştatlarynyň Beýik Britaniýanyň we Demirgazyk Irlandiýanyň Birleşen Patyşalygyndan garaşsyzlygyny yglan edip, Garaşsyzlyk Jarnamasyny kabul eden günüdir. Her ýylyň 4-nji iýulynda bellenilýän Garaşsyzlyk güni - ABŞ-nyň milli baýramydyr.
Türkmenistan bilen ABŞ-nyň arasyndaky ikitaraplaýyn hyzmatdaşlyk uzakmöhletleýin we özara peýdaly esasda alnyp barylýar. Iki ýurduň arasyndaky diplomatik gatnaşyklar 1992-nji ýylyň 19-njy fewralynda ýola goýuldy. ABŞ özüniň daşary syýasatynda Bitarap Türkmenistan bilen hyzmatdaşlygyna aýratyn üns berýär. Ýurtlar döwletara gatnaşyklarynyň köp ugurlary boýunça ylalaşykly hereket edýärler. Iň esasylary bolsa Merkezi Aziýa sebitinde parahatçylygyň, howsuzlygyň we hyzmatdaşlygyň ýola goýulmagy bolup durýar. ABŞ, şeýle hem, biziň ýurdumyzyň bitaraplygynyň umumy ykrar edilen derejesini goldaýar we nebit-gaz pudagyndaky hyzmatdaşlyga aýratyn üns berýär.
Şu döwürde Amerikanyň nebitgaz we himiýa senagaty, kompýuter tehnologiýasy, energetika, oba hojalygy, ulag hem-de aragatnaşyk ulgamlarynda işleýän belli kompaniýalary bilen gatnaşyklar ýola goýuldy. Şolaryň hatarynda “Boeing”, “General Eleсtriс”, “John Deere”, “Miсrosoft”, “Сaterpillar”, “Сoсa-Сola” we başga-da birnäçe kompaniýalar bar. 2007-nji ýylyň sentýabrynda hormatly Prezidentimiz Gurbanguly Berdimuhamedowyň Nýu-Ýorka bolan sapary türkmen-amerikan hyzmatdaşlygynyň taryhyndaky möhüm tapgyra öwrüldi. Döwlet Baştutanymyz şol ýerde BMG-niň Baş Assambleýasynyň 62-nji mejlisinde çykyş etdi. Munuň özi Türkmenistanyň halkara bileleşigi bilen gatnaşyklarynyň çäklerindäki nukdaýnazardan täze derejä çykmagyny şertlendirdi. Saparyň dowamynda milli Liderimiziň geçiren gepleşikleri ýurdumyzyň ABŞ bilen ikitaraplaýyn gatnaşyklarynyň täze mümkinçiliklerini açdy.
Guwanç SERDAROW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.