TÜRKMEN HALKYNYŇ MILLI LIDERI ARKADAG ŞÄHERINDE ÝAŞLARA UMUMY OKUW SAPAGYNY GEÇDI
2026-njy ýylyň 2-nji sentýabrynda Arkadag şäheriniň Ruhyýet köşgünde türkmen halkynyň Milli Lideri, Türkmenistanyň Halk Maslahatynyň Başlygy, Gahryman Arkadagymyz Bilimler we talyp ýaşlar güni hem-de 2026-2027-nji täze okuw ýylynyň başlanmagy mynasybetli türkmen ýaşlaryna umumy okuw sapagyny geçdi. Oňa ýurdumyzyň ýokary we orta hünär okuw mekdepleriniň talyplary, mekdep okuwçylary hem-de bilim ulgamynyň wekilleri gatnaşdylar.
Gahryman Arkadymyz, ilki bilen, bu ýere ýygnananlary ýurduň jemgyýetçilik durmuşynda möhüm ähmiýete eýe bolan Bilimler we talyp ýaşlar güni hem-de täze okuw ýylynyň başlanmagy mynasybetli tüýs ýürekden gutlady. Soňra Türkmenistanyň Garaşsyzlygynyň şanly 35 ýylynda gazanylan belent sepgitleri, ýurtda amala aşyrylýan taryhy özgertmeler we ýaş nesillere döredilýän giň mümkinçilikler barada giňişleýin gürrüň berdi.
Milli Liderimiziň parasatly sözleri, watançylyk we edermenlik baradaky öwüt-nesihatlary, ýaşlary ylym-bilim we kämil ahlaklylyk ruhunda terbiýelemekde möhüm ädim boldy.
Türkmen halkynyň Milli Lideri, Türkmenistanyň Halk Maslahatynyň Başlygy, Gahryman Arkadagymyzyň çykyşy şowhunly, dowamly el çarpyşmalar bilen garşylandy.
Bu taryhy waka mynasybetli Türkmenistanyň Daşary işler ministrliginiň Halkara gatnaşyklar institutynyň Halkara ykdysady gatnaşyklar fakuletinde talyp ýaşlaryň gatnaşmagynda okuw sapagy guralyp, onda Gahryman Arkadagymyzyň parasatly sözleri, ýaşlary ylym-bilim we kämil ahlaklylyk ruhunda terbiýelemekdäki möhüm ädimler giňden beýan edildi.
Myrat MAKSADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň 3-nji ýyl talyby