“TÄZE ENERGIÝA”-GELJEGIŇ ENERGIÝASY
2021-nji ýylyň 12-nji iýunynda Türkmenistanyň Daşary işler ministrliginiň Halkara gatnaşyklary institutynda talyp ýaşlaryň energetika diplomatiýasy bilen bagly bilim derejelerini kämilleşdirmek maksady bilen okuw sapagy geçirildi. Oňa “Täze energiýa” hojalyk kärhanasynyň ýolbaşçysy Nury Hydyrow, türkmen diplomatiýasynyň milli mekdebiniň we Türkmenistanyň Döwlet energetika institutynyň talyplary gatnaşdylar.
Okuw sapagynda N.Hydyrow “Täze energiýa” hojalyk kärhanasynyň döreýiş taryhy we onuň ýurdumyzyň çäginde alyp barýan işleri barada giňişleýin gürrüň berdi. “Galkynyş” serhet galasynda guruljak gün energiýa stansiýasynyň taslamasyny görkezdi. N.Hydyrowyň aýtmagyna görä, 2015-nji ýylda esaslandyrylan “Täze energiýa” ýurdumyzyň çäginde gün panellerini öndürmek we oturtmak üçin ygtyýarnamasy bolan ilkinji we ýeke-täk hojalyk kärhanasydyr. Häzirki wagtda bu hojalyk kärhanasy Türkmenistanyň aýna zawody bilen bilelikde ýyladyşhana pudagynda ulanyljak “Aýna aýna paneli” önümçiligini ýola goýmagy meýilnamalaşdyrýar.
Sapagyň ahyrynda talyplar myhman bilen özara sorag-jogap alyşdylar.
Baýnazar NEPESOW,
Türkmenistanyň Daşary işleri ministrliginiň
Halkara gatnaşyklary institutynyň
Halkara gatnaşyklary
fakultetiniň I ýyl talyby.