Täsir galdyran okuw sapagy
Türkmenistanyň Daşary işleri ministrliginiň Halkara gatnaşyklary institutynyň talyplarynyň diplomatiýa bilen bagly bilim derejesini has hem kämilleşdirmek maksady bilen 2021-nji ýylyň 2-nji iýunynda Türkmenistanyň daşary ýurtlardaky diplomatik wekilhanalarynyň ýolbaşçylarynyň toplumlaýyn onlaýn sapaklarynyň ýene birine gatnaşmaga mümkinçilik döredildi. Bu onlaýn sapak Türkmenistanyň Ermenistan Respublikasyndaky Adatdan daşary we Doly ygtyýarly ilçisi Muhammetgeldi Nurberdiýewiç Aýazow bilen Halkara gatnaşyklary institutynyň talyplarynyň arasynda “Diplomatik protokol” temasyna bagyşlanyp wideoaragatnaşyk arkaly guraldy.
Duşuşygyň dowamynda diplomatik protokolyňdeň hukuklylyk, özbaşdaklyk, çäk bitewiligi, içerki işlere goşulyşmazlyk ýaly umumy esas goýujy ýörelgeleriň esasynda döwletleriň özara gatnaşyklaryny tertibe salmaklykda esasy gurallaryň biri bolup hyzmat edýändigi, diplomatik protokolyň taryhy, esasy kada-kanunlary, ýörelgeleri barada bellenip geçildi.
Sapagyň dowamynda talyplar özlerini gyzyklandyrýan sowallara jogap tapmak bilen bilelikde diplomatik protokol babatynda düşünje aldylar.
Akgözel Rasulowa,
Türkmenistanyň Daşary işleri ministrliginiň
Halkara gatnaşyklary institutynyň
Halkara gatnşyklary
fakultetiniň I ýyl talyby.