Talyplarymyzyň guwandyryjy üstünlikleri
2023-nji ýylyň 11-nji maýynda Türkmenistanyň Daşary işler ministrliginiň Halkara gatnaşyklary institutynda bäsleşikde üstünlik gazanan talyplary sylaglamak dabarasy geçirildi. Has takygy, 2023-nji ýylyň 23 — 28-nji apreli aralygynda Halkara ynsanperwer ylymlary we ösüş uniwersitetiniň guramagynda talyplaryň arasynda II Açyk halkara matematika olimpiadasy (OMOUS-2023) geçirilip, onda Halkara ykdysady gatnaşyklary fakultetiniň 5-nji ýyl talyby Akmyrat Tirkeşow we 1-nji ýyl talyby Goçmyrat Penjiýew kümüş medala, 4-nji ýyl talyby Meýlis Hojamyradow, Jahangir Polatbaýew we 3-nji ýyl talyby Arazgül Ballyýewa bürünç medala mynasyp boldular. Şeýle-de topar ýaryşlarynda Halkara ykdysady gatnaşyklary kafedrasynyň mugallymy Begmyrat Ataýewiň ýolbaşçylygynda institutymyzyň 1-nji toparyna girýän Akmyrat Tirkeşow, Arazgül Ballyýewa, Orazmyrat Sähetmyradow, Goçmyrat Penjiýew we 2-nji toparyna degişli Jahangir Polatbaýew, Meýlis Hojamyradow, Ýupar Egirjäýewa, Begenç Aşyrow dagylar bürünç medala mynasyp boldular.
Bäsleşiklerde işjen çykyş edenlere Hormat hatlary hem gymmat bahaly sowgatlar gowşuryldy. Talyp deň-duşlarymyzyň gazanan bu üstünlikleri bizi has-da buýsandyrýar we olara geljekki gatnaşjak bäsleşiklerinde şowlulyklaryň ýar bolmagyny arzuw edýäris.
Aýgül MÄMMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň II ýyl talyby.
Şeýle hem bu barada şu ýerden
okap bilersiňiz:
https://salamnews.tm/section/ylym-bilim/bilim/talyplary-sylaglamak-dabarasy-gecirildi-7bca21