TALYPLARYMYZ HALKARA INTERNET OLIMPIADASYNYŇ ÝEŇIJILERI BOLDULAR
2025-nji ýylyň 20-nji noýabrynda Myrat Garryýew adyndaky Türkmenistanyň Döwlet lukmançylyk uniwersitetinde ýurdumyzyň we daşary ýurtlaryň ýokary okuw mekdepleriniň talyplarynyň arasynda IV halkara internet biologiýa olimpiadasy geçirildi. Oňa ýurdumyzyň ýokary okuw mekdepleriniň, şol sanda Türkmenistanyň Daşary işler ministrliginiň Halkara gatnaşyklary institutynyň talyp ýaşlary gatnaşdylar.
IV halkara internet biologiýa olimpiadasynda biologiýanyň dürli ugurlary bilen baglanyşykly ýumuşlar hödürlendi. Olimpiada gatnaşan talyplaryň işleri programma üpjünçiligi arkaly bahalandyryldy we toplanan ballaryň netijeleri boýunça jemi jemlendi.
Bäsleşigiň netijeleri boýunça Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary fakultetiniň III ýyl talyplary Sahydöwlet Hümmetjumaýew II orna, Aýlar Nedirowa III orna, Şyhdurdy Şyhyýew III orna, Halkara ykdysady gatnaşyklary fakultetiniň III ýyl talyplary Dawut Gezerow we Aýmyrat Muhamow, şeýle-de şol fakultetiň I ýyl talyby Medine Jeýhunowa III orna, Halkara hukugy fakultetiniň IV ýyl talyby Aknabat Durdyýewa II orna mynasyp boldular.
Olimpiadanyň geçirilmegi talyplaryň biologiýany gelejekde-de öwrenmäge bolan höwesini, bu dersden bilimini artdyrmaga, şeýle hem Türkmenistanyň we daşary ýurtlaryň ýokary okuw mekdepleriniň ylym hem bilim pudagyndaky özara gatnaşyklaryny berkitmäge ýardam edýär.
Sülgün NEPESOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara
ykdysady gatnaşyklary kafedrasynyň mugallymy.