Talyp ýaşlar bilen duşuşyk çäresi gurnaldy
2024-nji ýylyň 30-njy noýabrynda Türkmenistanyň Daşary işler ministrliginiň Halkara gatnaşyklary institutynyň Halkara hukugy we deňeşdirme hukuk öwreniş kafedrasynyň guramagynda Türkmenistanyň Bitaraplygynyň 29 ýyllygy, şeýle-de Adam hukuklarynyň güni mynasybetli halypa mugallym, hukukçy, alym, hukuk ylymlarynyň doktory, professor, Türkmenistanyň at gazanan hukukçysy, hormatly il ýaşulusy Myrat Öwezgeldiýewiç Haitow institutyň talyp ýaşlary bilen duşuşyk geçirdi.
Duşuşygyň dowamynda professor döwlet berkararlygynyň synmaz sütüni bolan türkmen Bitaraplygynyň gazanylmagynyň ähmiýetini, röwşen geljegine gönükdirilen ägirt uly özgertmeleriň durmuşa geçirilmeginde döwletiň binýatlaýyn esaslaryny berkitmekde orny barada giňişleýin gürrüň berdi. Häzirki wagtda hormatly Prezidentimiziň baştutanlygynda bu ugurdaky işler üstünlikli alnyp barylýar. Esasan hem, Türkmenistanda ýaşlar barada döwlet syýasatyny durmuşa geçirmegiň hukuk esaslaryna ýaş raýatlaryň konstitusion hukuklaryny we azatlyklaryny üpjün etmek, şahsyýetiň, jemgyýetiň we döwletiň bähbitlerinde türkmen ýaşlarynyň mümkinçiliklerini ösdürmek ýaly meselelere aýratyn ähmiýet berilýändigi barada aýdyldy. Şeýle hem halypa mugallym durmuş, ykdysady we guramaçylyk şertlerini kepilliklerini döretmek, hemmetaraplaýyn ösen şahsyýeti kemala getirmek, ýaşlaryň jemgyýetdäki gatnaşyklaryny kadalaşdyrýan, häzirki döwrüň talabyna laýyk gelýän hukuk kadalaryny özünde jemleýän kanunçylyk binýadynyň kämilleşdirilmegi barada giňişleýin gürrüň berdi.
Duşuşygyň dowamynda talyplar özlerini gyzyklandyrýan soraglara giňişleýin jogap aldylar.
Dürli BALLYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme
hukuk öwreniş kafedrasynyň
uly mugallymy.