«SOSIAL TORLAR WE ÝAŞLAR» ATLY OKUW SEMINARY
2026-njy ýylyň 21-nji ýanwarynda Türkmenistanyň Daşary işler ministrliginiň Halkara gatnaşyklary institutynda «Sosial torlar we ýaşlar» atly okuw seminary geçirildi. Okuw seminaryny Žurnalistikanyň nazaryýeti we amalyýeti kafedrasynyň uly mugallymy Jemile Pürjäýewa alyp bardy.
Okuw seminarynyň dowamynda çykyş eden mugallym häzirki döwürde tehnologiýanyň ösüşi, ýurdumyzyň sanly ulgama geçmek bilen bagly alyp barýan syýasaty, sanly ulgamyň adamzadyň durmuşyndaky orny we sosial torlar barada nygtap, sosial torlaryň adamyň durmuşyna, aýratynam, ýaşlara ýetirýän oňaýly we oňaýsyz täsirleri barada gyzykly maglumatlary talyplara ýetirdi.
Talyplar okuw sapagyň dowamynda özlerine gerekli maglumatlary aldylar we mugallyma sosial torlar barada özlerini gyzyklandyrýan soraglary berdiler.
Mahym KAKAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň 4-nji ýyl talyby.