Seminar okuw sapagy geçirildi
2022-nji ýylyň 25-nji fewralynda Türkmenistanyň Daşary işler ministrliginiň Halkara gatnaşyklary institutynda Halkara ykdysady gatnaşyklary fakultetiniň guramagynda şol fakultetiň talyplary bilen Hazarýaka döwletleriniň baştutanlarynyň VI sammitine bagyşlanan seminar okuw sapagy geçirildi. Geçirilen seminar okuw sapagynda talyplar bilen ýurdumyzyň Hazarýaka döwletleriniň arasynda alnyp barylýan söwda-ykdysady gatnaşyklary dogrusynda giňden gürrüň edildi we sorag-jogap alşyldy. Institutyň halkara ykdysady gatnaşyklary hünärinde talyplary üçin tejribe alyşmakda, göni işewürlik gatnaşyklaryny ýola goýmakda bilelikdäki duşuşyklaryň, ylmy-amaly maslahatlaryň we beýleki çäreleriň geçirilmeginiň uly ähmiýetiniň bardygy bellenildi.
Okuw sapagyna gatnaşyjylar üçin bu geçirilen seminar okuwy has täsirliligi bilen tapawutlandy. Okuw sapagynyň ahyrynda oňa gatnaşyjylar halkara hyzmatdaşlygy pugtalandyrmakda alyp barýan bimöçber tagallalary üçin hormatly Prezidentimize alkyş sözlerini aýtdylar.
-
Sülgün NEPESOWA,
-
Türkmenistanyň Daşary işler ministrliginiň
-
Halkara gatnaşyklary institutynyň
-
Halkara ykdysady gatnaşyklary kafedrasynyň mugallymy.