Sanly ulgamy ösdürmek boýunça halkara ylmy-amaly maslahat
2024-nji ýylyň 18-nji dekabrynda Türkmenistanyň Oguz han adyndaky Inžener-tehnologiýalar uniwersitetiniň guramagynda “Akylly şäher: dolandyrmak, sanly, akylly we emeli aň tehnologiýalary, howpsuzlygy, ykdysadyýeti” atly halkara ylmy-amaly maslahaty geçirildi.
Onlaýn görnüşinde geçirilen bu maslahata daşary ýurtlaryň alymlary we professor-mugallymlary, ýurdumyzyň ýokary okuw mekdepleriniň mugallymlary we talyp ýaşlary gatnaşdylar.
Maslahatyň dowamynda sanly tehnologiýalaryň ýurdumyzda ornaşdyrylyşy, “akylly” öý, şäher we zatlaryň interneti, olary dolandyrmagyň, kiberhowpsuzlygyny üpjün etmegiň tehnologiýalaryny işläp taýýarlamak bilen bagly meseleler barada bellenip geçildi.
Dawut MUHAMMEDOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň
V ýyl talyby.