SANLY ULGAM ARKALY GEÇIRILEN OKUW-USULY MASLAHAT
2025-nji ýylyň 26-njy maýynda Türkmenistanyň Daşary işler ministrliginiň Halkara gatnaşyklary institutynda “Halkara indekslenýän žurnallarda impakt faktoryň aýratynlyklary” atly tema boýunça onlaýn usuly-okuw maslahaty geçirildi. Sanly ulgam arkaly geçirilen okuw-usuly maslahata ýurdumyzyň ýokary okuw mekdepleri bilen bir hatarda Türkmenistanyň Daşary işler ministrliginiň Halkara gatnaşyklary institutynyň professor-mugallymlary hem gatnaşdylar.
Maslahat halkara ylmy-tehniki maglumat çeşmeleri (platformalar), olarda indekslenýän žurnallarda makalalary çap etdirmek, dürli bibliometrik görkezijiler bilen bagly düşünjeleri artdyrmak hem-de abraýly halkara ylmy-tehniki maglumat çeşmelerinde (platformalarda) indekslenýän žurnallarda makalalaryň çap edilmegini utgaşdyrmak boýunça 2025-nji ýyl üçin taýýarlanan Ýol kartasynda göz öňünde tutulan çäreleri durmuşa geçirmek maksady bilen geçirildi.
Okuw maslahatynda mugallymlaryň, hünärmenleriň halkara derejeli neşirlerde makalalaryny çap etmegiň usullary, makalanyň taýýarlanylyşynyň ähmiýeti we onuň dünýäniň ylym jemgyýetçiliginde möhümligi barada giňişleýin gürrüň edildi. Guralan okuw-usuly maslahat diňleýjileriň nazary bilimleriniň kämilleşdirilmeginde, döwrebap ylmy-tehnologik tilsimleri hem-de öňdebaryjy ylmy-barlag işleriniň netijelerini özleşdirmeklerinde ähmiýetlidir.
Atamämmet KULÇAROW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň II ýyl talyby.