Sanly bilim, sanly ykdysadyýet we kiberhowpsuzlyk boýunça onlaýn maslahat
2025-nji ýylyň 14-nji martynda Türkmenistanyň Bilim ministrligi
tarapyndan tassyklanan Türkmenistanyň ýokary we orta hünär okuw
mekdeplerinde maglumat tehnologiýalary we kiberhowpsuzlyk babatynda
öňdebaryjy tejribeleri ýaýratmak maksady bilen sanly bilim, sanly ykdysadyýet we
kiberhowpsuzlyk ugurlary boýunça 2025-nji ýylyň dowamynda ýerine ýetirilmeli
işleriň meýilnamasyna laýyklykda, Ýagşygeldi Kakaýew adyndaky Halkara nebit
we gaz uniwersitetiniň guramagynda onlaýn maslahat geçirildi.
Bu onlaýn maslahaty Ýagşygeldi Kakaýew adyndaky Halkara
nebit we gaz uniwersitetiniň Informatika we maglumat tehnologiýalar
kafedrasynyň müdiri Tirkeş Atagaraýew alyp baryp, ol “Informatika we maglumat
tehnologiýalar kafedrasynda alnyp barylýan okuw we ylmy-barlag işleriň ýagdaýy
barada” atly tema boýunça çykyş etdi.
Bu maslahata Türkmenistanyň Daşary işler ministrliginiň Halkara
gatnaşyklary institutynyň hem-de Türkmenistanyň ýokary we orta hünär okuw
mekdepleriniň sanly bilim, sanly ykdysadyýet we kiberhowpsuzlyk (IT) ugry
boýunça jogäpkär mugallymlary, hünärmenleri hem-de bu ugurda hereket edýän
kafedralaryň müdirleri hem gatnaşyp, olar Tirkeş Atagaraýew hem-de beýleki
gatnaşyjylar bilen özara sorag-jogap alyşmak arkaly bu ugur boýunça bilimlerini
kämilleşdirdiler.
Şeýle onlaýn maslahatlaryň ýokary we orta hünär okuw mekdepleriniň
arasynda yzygiderli geçirilmegi bu ugurlar boýunça alnyp barylýan işleriň
netijeliligini has-da artdyrar.
Meýlis GYLYŞAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň mugallymy.