Pugtalanýan halkara hyzmatdaşlyk
2021-nji ýylyň 19-njy noýabrynda Türkmenistanyň Daşary işler ministrliginiň Halkara gatnaşyklary institutynyň uly mejlisler zalynda Ykdysady Hyzmatdaşlyk guramasy bilen bilelikde “Bitaraplyk, parahatçylyk we ynanyşmak” atly halkara maslahaty geçirildi. Oňa ýurdumyzyň ýokary okuw mekdepleriniň professor-mugallymlary, Türkmenistanyň Maliýe we ykdysadyýet ministrliginiň, “Türkmendeňizderýaýollary”, “Türkmendemirýollary” agentlikleriniň ýolbaşçylary, köpçülikleýin habar beriş serişdeleriniň wekilleri gatnaşdylar. Halkara maslahatyny Türkmenistanyň Daşary işler ministrliginiň Halkara gatnaşyklary institutynyň rektory Jumamyrat Gurbangeldiýew alyp bardy. Maslahatda Ykdysady Hyzmatdaşlyk guramasynyň Baş sekretarynyň orunbasary Asanow Žandos, Ykdysady Hyzmatdaşlyk guramasynyň Medeniýet institutynyň Prezidenti Sarwar Bakhti wideoaragatnaşyk arkaly çykyş etdiler. Şeýle-de maslahatda Türkmenistanyň Maliýe we ykdysadyýet ministriniň orunbasary, “Türkmendeňizderýaýollary” agentliginiň başlygynyň orunbasary, “Türkmendemirýollary” agentliginiň işgäri, Türkmen döwlet maliýe institutynyň kafedra müdiri we beýlekiler çykyş etdiler.
Maslahatda çykyş edenler mähriban Arkadagymyzyň alyp barýan daşary syýasatynyň ileri tutulýan ugurlarynyň biri dünýäniň abraýly halkara we sebit guramalary bilen hyzmatdaşlygy ösdürmek bolup durýandygyny nygtadylar. Şeýle-de, edilen çykyşlarda dünýä ýurtlary bilen ýurdumyzyň ähli ugurda gatnaşyklarynyň mundan beýläk-de pugtalanjakdygyny belläp geçdiler.
Gülälek Nuryýewa,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
kafedrasynyň öwreniji mugallymy.
www.mfa.gov.tmhttps://www.mfa.gov.tm/tk/news/2886