Professor Amangeldi Rahmanowyň “BMG we onuň ulgamy” atly okuw kitaby boýunça test bäsleşigi geçirildi
2025-nji ýylyň 17-nji aprelinde Türkmenistanyň Daşary işler ministrliginiň Halkara gatnaşyklary institutynyň Halkara hukugy we deňeşdirme hukuk öwreniş kafedrasynyň “Ýaş hukukçylar” ylmy gurnagynyň guramagynda 2025-nji ýyl “Halkara parahatçylyk we ynanyşmak ýyly” mynasybetli institutyň Halkara gatnaşyklary kafedrasynyň müdiri, taryh ylymlarynyň doktory, Adatdan Daşary we doly ygtyýarly Ilçi, professor A.Rahmanowyň «BMG we onuň ulgamy» atly okuw kitaby boýunça insitutyň ähli fakultetleriniň talyplarynyň arasynda test bäsleşigi geçirildi.
Bu test bäsleşigiň maksady ýaşlaryň Türkmenistanyň parahatçylygyň, howpsuzlygyň we ählumumy ösüşiň hatyrasyna ýerine ýetirýän işlerini bilmekligi, BMG-niň Baş Assambleýasynyň Kararnamasy bilen, Türkmenistan tarapyndan öňe sürlen 2025-nji ýyly “Halkara parahatçylyk we ynanyşmagyň ýyly” diýlip yglan edilmegi, Türkmenistanyň BMG-sy bilen esasy alyp barýan maksatlary we ýörelgeleri, şeýle hem jedelleri parahatçylykly ýollar bilen çözmek borçlaryny bilmeklik bolup durýar.
Test bäsleşgi örän gyzykly geçip, onuň jemi boýunça iň oňat netijeleri görkezen institutyň Halkara gatnaşyklary fakultetiniň 3-nji ýyl talyby Baýylyýew Hojamyrat I orna, Halkara žurnalistikasy fakultetiniň 2-nji ýyl talyby Atamyradowa Ajapsoltan II orna, Halkara gatnaşyklary fakultetiniň 2-nji ýyl talyby Nedirowa Aýlar III orna mynasyp boldular we talyplara ýörite ýadygärlik sowgatlary gowşuryldy.
Dürli BALLYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara
hukugy we deňeşdirme hukuk öwreniş
kafedrasynyň uly mugallymy.