Prezentasiýa bäsleşigi geçirildi
2025-nji ýylyň 30-njy aprelinde Türkmenistanyň Daşary işler ministrliginiň Halkara gatnaşyklary institutynyň Ýaş alymlar geňeşiniň hem-de Halkara hukugy we deňeşdirme hukuk öwreniş kafedrasynyň “Ýaş hukukçylar” ylmy gurnagynyň bilelikde guramagynda institutyň ähli hünärleriniň talyplarynyň arasynda hormatly Prezidentimiziň “Magtymguly – dünýäniň akyldary” atly kitabynyň many-mazmunyny açyp görkezýän prezentasiýa bäsleşigi geçirildi.
Bu prezentasiýa bäsleşiginiň maksady hormatly Prezidentimiziň “Magtymguly – dünýäniň akyldary” atly kitabyny talyp ýaşlaryň arasynda wagyz etmekden ybarat bolup, bäsleşigiň dowamynda talyplar özleriniň taýýarlan prezentasiýalary bilen çykyş etdiler. Prezentasiýa çykyşlarynda Magtymguly Pyragynyň döredijiliginde Watan, il-gün, mertlik, gahrymançylyk ýaly ynsanyň ahlak esaslarynyň beýany görkezildi.
Bäsleşigiň jeminde emin agzalaryň gelen netijelerine görä ýeňijilere guramaçylyk topary tarapyndan Hormat hatlary gowşuryldy.
Aknabat DURDYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň II ýyl talyby.