«PARFIÝA IMPERIÝASYNYŇ DIPLOMATIÝASY WE OLARYŇ DIPLOMATIK DÄPLERI, ŞEÝLE-DE NUSAÝDA ATŞYNASLYK SUNGATYNYŇ ÖSÜŞI» ATLY TEMA BOÝUNÇA UMUMY OKUW SAPAGY GEÇIRILDI.
2026-njy ýylyň 6-njy martynda Türkmenistanyň Daşary işler ministrliginiň Halkara gatnaşyklary institutynda Ýaş diplomatlaryň mekdebiniň guramagynda «Parfiýa imperiýasynyň diplomatiýasy we olaryň diplomatik däpleri, şeýle-de Nusaýda atşynaslyk sungatynyň ösüşi» atly tema boýunça umumy okuw sapagy geçirildi. Oňa institutymyzyň Jemgyýeti öwreniş ylymlary kafedrasynyň mugallymy Mähriban Garaýewa we Ýaş diplomatlaryň mekdebiniň agzalary gatnaşdylar.
Umumy okuw sapagynyň dowamynda mugallym Parfiýa imperiýasynyň daşary syýasaty we diplomatik däpleri barada, şeýle-de Nusaý atlarynyň tohumynyň gadymylygy baradaky ýazuw çeşmeleri barada talyplara gürrüň berdi.
Şeýle okuw sapaklarynyň türkmen diplomatiýasynyň milli mekdebinde yzygiderli geçirilmegi talyp ýaşlaryň arasynda goşmaça bilim endiklerini ösdürmekde möhüm ähmiýete eýedir.
Myrat MAKSADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň 2-nji ýyl talyby.