ONLAÝN USULY MASLAHAT GEÇIRILDI
2025-nji ýylyň 24-nji maýynda Türkmenistanyň Daşary işler ministrliginiň Halkara gatnaşyklary institutynda «Pub/Med/MEDLINE — lukmançylyk we biologiýa ylmy üçin indeks» we «IEE Xplore — tehniki we inženerçilik ylmy üçin esasy indeks» atly temalar boýunça onlaýn usuly maslahat geçirildi. Oňa türkmen diplomatiýasynyň milli mekdebiniň mugallymlary gatnaşdylar. Maslahatda 2025-nji ýyl üçin taýýarlanan Ýol kartasynda göz öňünde tutulan çäreleri durmuşa geçirmek bilen bagly pikirler orta atyldy. Şeýle-de halkara ylmy-tehniki maglumat çeşmeleri, olara degişli bolan žurnallarda çykyş etmek, dürli bibliometrik görkezijiler bilen bagly düşünjeleri artdyrmaga möhüm ähmiýet berildi. Ýeri gelende bellesek, «Pub/Med/MEDLINE — lukmançylyk we biologiýa ylmy üçin indeks» we «IEE Xplore — Tehniki we inženerçilik ylmy üçin esasy indeks» atly sanly platformalar ABŞ-nyň Milli kitaphanasy tarapyndan dolandyrylýar.
Mähri NURYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy
fakultetiniň 1-nji ýyl talyby.