Onlaýn açyk sapak geçirildi
2025-nji ýylyň 17-nji dekabrynda Myrat Garryýew adyndaky Türkmenistanyň Döwlet lukmançylyk uniwersitetinde “Daşky gurşawyň üýtgemeginde adamyň saglygyna täsiri” atly onlaýn açyk sapak geçirildi. Oňa sanly ulgam arkaly Türkmenistanyň Daşary işler ministrliginiň Halkara gatnaşyklary institutynyň mugallymlarydyr talyp ýaşlary hem gatnaşdylar.
Bu sapakda adamlaryň ýaşaýyş-durmuş şertlerini gowulandyrmak, sport we bedenterbiýe bilen meşgullanmaklary barada bellenip geçildi. Soňra açyk sapaga gatnaşanlar adamyň daşky gurşawa, ýagny ýaşaýan ýerine ekologik ýagdaýy üçin jogapkärli çemeleşmelidigi we ony aýawly saklamaklygy barada çykyşlary diňlediler.
Açyk sapakda çykyş edenler keselleriň öňüni almakda sagdyn iýmitlenmegiň ornunyň uludygyny aýratyn bellediler. Açyk sapaga gatnaşanlar saglygy goraýyş ulgamynda düýpli özgertmeleri durmuşa geçirip, halkymyzyň saglygyny goramaga aýratyn üns berýän Milli Liderimize hem-de hormatly Prezidentimize tüýs ýürekden sagbolsun aýtdylar. Şeýle açyk sapaklaryň yzygiderli geçirilmegi ýaşlaryň arasynda sagdyn durmuş ýörelgesini wagyz etmekde möhüm ähmiýete eýedir.
Ogulnar ORAZMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 5-nji ýyl talyby.