OKUW-USULY MASLAHAT GEÇIRILDI
2025-nji ýylyň 11-nji martynda Türkmenistanyň Bilim ministrliginiň 2025-
nji ýylyň 24-nji ýanwarynda tassyklanan “Ýurdumyzyň ýokary okuw mekdeplerini
dünýäniň abraýly halkara reýtingleriniň sanawyna goşmak boýunça alnyp barylýan
işleri kämilleşdirmek maksady bilen, 2025-nji ýylyň dowamynda halkara ylmy-
tehniki maglumat çeşmeleri (platformalar), olarda indekslenýän žurnallarda
makalalary çap etmek, dürli bibliometrik görkezijiler bilen bagly düşünjeleri
artdyrmak boýunça okuw-usuly maslahatlary we seminarlary geçirmegiň
Tertibinden” gelip çykýan wezipeleri ýerine ýetirmek maksady bilen, meýilnama
laýyklykda Aba Annaýew adyndaky Halkara atçylyk akademiýasy tarapyndan
“Halkara ylmy žurnallaryň talaplaryna görä IMRAD gurluşynda ylmy makala
taýýarlamagyň usulyýeti” atly wideoaragatnaşyk arkaly okuw-usuly maslahaty
geçirildi. Bu maslahata ýurdumyzyň ýokary we orta hünär okuw mekdepleri,
Türkmenistanyň Daşary işler ministrliginiň Halkara gatnaşyklary institutynyň
mugallymlary hem sanly wideoaragatnaşyk arkaly gatnaşdylar.
Maslahatyň maksady professor-mugallymlaryň, ylmy işgärleriň, ýaş
alymlaryň we hünärmenleriň halkara derejeli ylmy neşirlere makalalary
taýýarlamak endiklerini ösdürmek hem-de IMRAD gurluşynda ylmy makalanyň
taýýarlaýşynyň ähmiýetinden ybarat boldy.
IMRAD – bu “giriş, usullar, netijeler we çekişme” sözleriniň
gysgaltmasydyr, ol adatça empirik gözleg bolup, ylmy makalanyň gurluşynyň
hakyky gözleg usulydyr.
Maslahatyň ahyrynda oňa gatnaşyjylar özlerini gyzyklandyrýan soraglar
bilen çykyş etdiler we hünärmenlerden degişli jogaplary aldylar.
Kerwen ATAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby.