Okuw-usuly maslahat geçirildi
2025-nji ýylyň 12-nji fewralynda Türkmen döwlet binagärlik-gurluşyk institutynyň guramagynda “Halkara ylmy-tehniki maglumat çeşmelerinde indeksirlenýän žurnallarynda makala çap etmegiň esasy düzgünleri” atly wideoaragatnaşyk arkaly okuw usuly maslahaty geçirildi. Bu maslahata ýurdumyzyň ýokary we orta hünär okuw mekdepleri, Türkmenistanyň Daşary işler ministrliginiň Halkara gatnaşyklary institutynyň mugallymlary hem sanly wideoaragatnaşyk arkaly gatnaşdylar. Okuw usuly maslahatyny Türkmen döwlet binagärlik-gurluşyk institutynyň Önümçiligi awtomatlaşdyrmak kafedrasynyň dosenti Ahmet Penjiýew alyp bardy.
Okuw usuly maslahatynyň dowamynda bilermen Türkmenistanda ylmyň ösdürilmegine döwlet tarapyndan berilýän goldaw yzygiderli artýandygy, düýpli we amaly ylmy-barlaglary geçirmek, öňdebaryjy işläp taýýarlamalaryň gerimini giňeltmek ugrunda zerur şertleriň döredilýändigi, ylmy edaralaryň, ýokary okuw mekdepleriň maddy-enjamlaýyn binýady berkidilýändigi, olaryň işine iň täze maglumat-kommunikasiýa tehnologiýalaryň ornaşdyrylýandygy, ýurdumyzda ylym ulgamy dünýä ölçeglerine laýyklykda ösdürilýändigi, onuň kanunçylyk we maddy-enjamlaýyn binýady berkidilýändigi, ylmyň möhüm ugurlary boýunça ylmy-barlag işlerini geçirmek, ýokary hünärli işgärleri taýýarlamak boýunça giň mümkinçilikleriň döredilýändigi barada nygtap, bu işleri diňe bir milli ylmy neşirlerimizde däl, eýsem, halkara maglumat bazalarynda indeksirlenýän halkara ylmy žurnallarynda yzygiderli makalalary çap etmegiň hem zerurlygyny belledi. Bu ugurda öz ejribesini paýlaşdy.
Şeýle-de maslahatyň dowamynda bilermene sanly ulgam arkaly oňa gatnaşyjylar indeksirlenýän žurnallarynda makala çap etmegiň esasy düzgünleri barada özlerini gyzyklandyrýan sowallar bilen ýüzlendiler.
Jemile PÜRJÄÝEWA,
Türkmenistanyň Daşary işler ministrliginiň
Halkara gatnaşyklary institutynyň uly mugallymy.