OKUW STUDIÝASYNA GEZELENÇ GURALDY
2026-njy ýylyň 22-nji aprelinde Türkmenistanyň Daşary işler ministrliginiň Halkara gatnaşyklary institutynda “Ýaş diplomatlar” mekdebiniň agzalary we mekdep okuwçylary üçin okuw studiýasyna tanyşlyk gezelenji guraldy. Ol institutyň Žurnalistikanyň nazaryýeti we amalyýeti kafedrasynyň guramagynda geçirildi.
Bu çäräniň esasy maksady geljekde diplomatik hünäri saýlap aljak ýaşlary institutyň okuw ulgamy we mümkinçilikleri bilen ýakyndan tanyşdyrmakdan ybarat boldy. Okuwçylar institutyň häzirki zaman enjamlary bilen enjamlaşdyrylan okuw studiýasyna aýlanyp, talyplaryň amaly ukyplaryny kämilleşdirýän şertler bilen tanyşdylar. Bu gezelenç ýaş nesliň diplomatik we žurnalistika hünärlerine bolan gyzyklanmasyny artdyrmaga hem-de olaryň hünär saýlamagyna uly ýardam berer.
Käbe ÝAGMYROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 1-nji ýyl talyby.