Okuw studiýasy bilen tanyşlyk
2022-nji ýylyň 20-nji maýynda Türkmenistanyň Daşary işler ministrliginiň Halkara gatnaşyklary institutynyň okuw binasynda Ýaş diplomatlaryň mekdebi tarapyndan guralýan «Parahatçylygyň ýaş çaparlary» akyl-paýhas bäsleşiginiň I saýlama tapgyrynyň 8-nji oýnuna gatnaşyjy mekdep okuwçylary institutyň okuw studiýasynda bolup, ol ýerde işleriň alnyp barlyşy bilen tanyşdylar.
Bu ýerde ýaş çaparlara institutyň mugallymlary okuw studiýasynyň işiniň gurluşy, maddy tehnologik binýady dogrusynda gürrüň berdiler. Tanyşlygyň dowamynda mekdep okuwçylary özleriniň gyzyklanýan soraglary bilen mugallymlara ýüz tutup, gerekli maglumatlary özleşdirdiler.
Aýnur HUDAÝBERGENOWA,
Daşoguz welaýatynyň Akdepe etrabynyň
33-njy orta mekdebiniň 11-nji synp okuwçysy.