OKUW SAPAGY GEÇIRILDI
2024-nji ýylyň 26-njy dekabrynda Türkmenistanyň Daşary işler
ministrliginiň Halkara gatnaşyklary institutynda Türkmen diplomatiýasynyň
möhüm ugurlary boýunça okuw merkezinde Türkmenistanyň Şweýsariýa
Konfederasiýasyndaky Adatdan daşary we Doly ygtyýarly ilçisi Wepa Hajiýewiň
alyp barmagynda okuw sapagy geçirildi. Oňa institutyň mugallymlary we talyp
ýaşlary gatnaşdy.
Okuw sapagynda ilçi talyplara türkmen-şwed gatnaşyklary, döwletleriň
halkara guramalaryň çäklerinde ileri tutulýan hyzmatdaşlygyň ugurlary barada
giňişleýin gürrüň berdi. Duşuşygyň dowamynda Türkmenistanyň ykdysady
diplomatiýasynyň esasy ugurlary, olaryň iş ýüzündäki orny we bu babatda
döwletiň alyp barýan halkara hyzmatdaşlygy hem-de türkmen-şwed dostlukly
gatnaşyklarynyň taryhy barada bellenilip geçildi.
Okuw sapagy talyplar üçin örän täsirli bolup, olar özlerini gyzyklandyrýan
sowallaryna jogap aldylar.
Mährijemal MÄMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary kafedrasynyň uly mugallymy.