NOBATDAKY OKUW SAPAGY GEÇIRILDI
2024-nji ýylyň 25-nji dekabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkezinde «Ykdysady diplomatiýa» ugrundan okuw sapagy geçirildi. Bu okuw sapagyny Türkmenistanyň Merkezi bankynyň Daşary ýurt puluny kadalaşdyryş we daşary ykdysady gatnaşyklar müdirliginiň başlygynyň orunbasary Akmämmet Annaýew «Türkmenistanyň Bütindünýä söwda guramasyna goşulyşmak meýliniň ylmy taýdan esaslandyrylmagy» atly temadan okuw sapagyny alyp bardy.
Sapakda Türkmenistanda daşary ykdysady gatnaşyklary giňeltmek hem-de ýurdumyza daşary ýurt maýa goýumlaryny çekmek, şeýle-de ýurdumyzyň Bütindünýä söwda guramasy bilen hyzmatdaşlygyny ösdürmekde alnyp barylýan işler dogrusynda giňişleýin gürrüň berdi.
Duşuşygyň dowamynda talyplar özlerini gyzyklandyrýan soraglaryna jogap tapdylar hem-de Bütindünýä söwda guramasy baradaky bilimlerini artdyrdylar.
Kerwen GARAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň III ýyl talyby.