Merkezi Aziýa ýurtlarynyň Daşary işler ministrleriniň orunbasarlarynyň duşuşygy
2021-nji ýylyň 8-nji dekabrynda Merkezi Aziýa ýurtlarynyň Daşary işler ministrleriniň orunbasarlarynyň duşuşygy geçirildi. Şu ýylky duşuşyk Täjigistan Respublikasynyň paýtagty Duşanbe şäherinde geçirildi. Duşuşyk Birleşen Milletler Guramasynyň Merkezi Aziýa üçin öňüni alyş diplomatiýasy boýunça Sebit merkezi tarapyndan guralyp, sebitimiziň ösüşini gazanmak üçin pikir alyşmagyň esasy bolup çykyş etdi.
Bu duşuşyga Öňüni alyş diplomatiýasy akademiýasynyň geljekki ýaş ilçileriniň gatnaşmagy aýratyn orna eýe boldy. Akademiýanyň gatnaşyjylary şeýle ýokary derejeli çäräniň janly şaýatlary bolmagy ýaşlarda uly täsir galdyrdy.
Duşuşyga gatnaşyjylar bilim, saglygy goraýyş, adam hukuklary, gender deňligi, ekologiýa ugurlaryndaky pikirlerini beýan etdiler we sebitimizde ýüze çykýan käbir meseleleri çözmekde öz teklipleri bilen çykyş etdiler.
Duşuşyga wideoaragatnaşyk arkaly Türkmenistanyň adyndan Merkezi Aziýanyň öňüni alyş diplomatiýasynyň akademiýasynyň gatnaşyjylarynyň wekilleri hökmünde Türkmenistanyň Daşary işler ministrliginiň Halkara gatnaşyklary institutynyň talyby Atajan Rozybaýewe we Halkara ynsanperwer ylymlary we ösüş uniwersitetiniň talyby Gunça Annageldiýewe gatnaşmak üçin mümkinçilik döredildi. Öňüni alyş diplomatiýasynyň akademiýasynyň geçiren okuw sapaklaryna yzygiderli gatnaşyp, şondaky alan bilimlerini özleşdirmek bilen, köpçüligiň öňünde çykyş etmek ýaly mümkinçilikleriň döredilmegi, talyplaryň kämilleşdirilmegine uly itergi berdi.
Jahan ÖRÄÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň
IV ýyl talyby