«Magtymguly umumadamzat şahyry»
2024-nji ýylyň 25-nji iýunynda Arkadag şäherinde geçirilýän Medeniýet hepdeliginiň çäklerinde teleradio žurnalistleriň gatnaşmagynda «Magtymguly umumadamzat şahyry» atly brifing geçirildi.
Täsirli geçen brifinge teleradio žurnalistleri we talyp ýaşlar gatnaşdylar. Brifingde Türkmenistanyň Telewideniýe, radiogepleşikler we kinematografiýa baradaky döwlet komitetiniň başlygynyň orunbasary A.Kakaýew, Türkiýe Respublikasynyň Radio we telewideniýe guramasynyň Türkmenistandaky wekili Ugur Sami Gezer, Türkmenistanyň Telewideniýe, radiogepleşikler we kinematografiýa baradaky döwlet komitetiniň «Arkadag» teleýaýlymynyň başlygy P.Kakabaýew, Russiýa Federasiýasynyň «ITAR-TASS» habarlar agentliginiň wekili Oleg Pawlienko, Türkmenistanyň Telewideniýe, radiogepleşikler we kinematografiýa baradaky döwlet komitetiniň «Mahabat» müdirliginiň başlygy R.Welmiýew, Özbegistan Respublikasynyň Kinematografiýa agentliginiň başlygynyň orunbasary M.Erkinow, Türkmen döwlet medeniýet institutynyň mugallymy S.Janmämmedowa dagylar çykyş etdiler.
«Magtymguly umumadamzat şahyry» atly brifingde öňe sürülen meseleler halkymyzyň, esasan-da, ýaş nesillerimiziň akyl-paýhasyny çuňlaşdyrmaga ýardam berer.
Ogulbibi BAÝRAMMÄMMEDOWA,
Türkmenistanyň Daşary işler ministirliginiň
Halkara gatnaşyklary institutynyň
Halkara žurnalistikasy fakultetiniň
I ýyl talyby.