LANÇŽOU UNIWERSITETINIŇ WEKILLERINIŇ GATNAŞMAGYNDA OKUW SAPAGY GEÇIRILDI
2025-nji ýylyň 28-nji noýabrynda Türkmenistanyň Daşary işler ministrliginiň Halkara gatnaşyklary institutynda Lançžou uniwersitetiniň wekilleriniň gatnaşmagynda okuw sapagy geçirildi. Oňa Lançžou uniwersitetinden we institutymyzdan professor-mugallymlar, talyp ýaşlar, şeýle-de mekdep okuwçylary gatnaşdylar. Okuw sapagy 2025-nji ýylyň 25-30-njy noýabrynda hytaý wekiliýetiniň ýurdumyza saparynyň çäklerinde geçirildi.
Okuw sapagyny Lançžou uniwersitetiniň Taryh we Medeniýet institutynyň ýolbaşçysynyň orunbasary, taryh ylymlarynyň doktory, professor Baý Ýundun, şol uniwersitetiň Gyrgyzystany öwreniş merkeziniň ýolbaşçysy, filologiýa ylymlarynyň doktory, uly mugallym Liu Hueýin, şeýle-de uniwersitetiň Merkezi Aziýa ylmy-barlaglar institutynyň ylmy işgäri, hukuk ylymlarynyň doktory San Pu alyp bardy. Okuw sapagynda hytaý wekilleri türkmen-hytaý gatnaşyklarynyň häzirki zaman ugurlary, Merkezi Aziýa we Hytaý Halk Respublikasynyň mysalynda elektron hökümeti döretmegiň tejribesi, hem-de meşhur hytaý filosofy Konfusiýniň ömür ýoly barada çykyş etdiler.
Okuw sapagynyň ahyrynda oňa gatnaşyjylar Lançžou uniwersitetiniň wekilleri bilen sorag-jogap alyşdylar.
Sahydöwlet HÜMMETJUMAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň III ýyl talyby.