Kitap dünýäsi bilen tanyşlyk
2026-njy ýylyň 26-njy fewralynda Türkmenistanyň Daşary işler ministrliginiň Halkara gatnaşyklary institutynyň talyplary Türkmenistanyň Döwlet medeniýet merkeziniň Döwlet kitaphanasyna baryp, ol ýerdäki kitaplar bilen tanyşdylar. Türkmen diplomatiýasynyň milli mekdebiniň talyplary bu ýere yzygiderli gelip, Gahryman Arkadagymyzyň, Arkadagly Gahryman Serdarymyzyň kitaplaryny okap özleriniň amaly bilimlerini artdyrýarlar. Şeýle-de bu ýerde döwürleýin neşirlere, türkmen edebiýatynyň ägirtleriniň, ýazyjy-şahyrlarymyzyň eserleri, daşary ýurt dillerinde ýazylan kitaplara, ylmy işlere giň orun berlipdir. Talyplar bu ýerde halkara gatnaşyklary, syýasat, taryh, ykdysadyýet hem-de daşary ýurt dilleri boýunça dürli neşirler bilen tanyşdylar. Türkmenistanyň Döwlet medeniýet merkeziniň Döwlet kitaphanasynyň gaznasy baý bolup, bu ýerde döredilen amatly mümkinçilikler ýaşlaryň bilimini artdyrmaga şert döredýär. Geljekki halkaraçy hünärmenler döredilýän mümkinçilikler üçin Milli Liderimize, hormatly Prezidentimize alkyş sözlerini aýtdylar.
Kakamyrat ÇARYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 2-nji ýyl talyby.