“JEMGYÝETIŇ SAGLYGY – PARAHATÇYLYGYŇ WE ABADANÇYLYGYŇ AÇARY” ATLY OKUW MASLAHAT
2025-nji ýylyň 26-njy iýunynda Ýewropa Bileleşiginiň Merkezi Aziýada Neşe serişdeleriniň ýaýramagynyň öňüni almak boýunça maksatnamasy (CADAP) Bütindünýä neşekeşlige garşy göreş güni mynasybetli “Jemgyýetiň saglygy- parahatçylygyň we abadançylygyň açary” atly okuw maslahatyny geçirdi. Bu okuw maslahatynyň esasy maksady neşe serişdeleriniň adamyň we jemgyýetiň saglygyna zyýany we olaryň bikanun dolanşygyna garşy göreşmekde halkara hyzmatdaşlygyň ähmiýetini nygtamak bolup durýar.
Maslahata Türkmenistanyň Içeri işler, Türkmenistanyň Milli howpsuzlyk, Türkmenistanyň Saglygy goraýyş we derman senagaty, Türkmenistanyň Daşary işler, Türkmenistanyň Bilim ministrlikleriniň, Türkmenistanyň Baş prokuraturasynyň, Türkmenistanyň Döwlet serhet migrasiýa gulluklarynyň, Türkmenistanyň Bedenterbiýe we sport baradaky döwlet komitetiniň, Türkmenistanyň Magtymguly adyndaky Ýaşlar guramasynyň hem-de Türkmenistanyň Zenanlar birleşiginiň wekilleri gatnaşdylar.
Okuw maslahatynyň dowamynda “Howpsuz gurşaw -bikanun maddalaryň ulanylmagynyň öňüni almak üçin esasdyr”, “Neşekeşligi ir ýüze çykarmak we bejermek: ilatyň saglygynyň açary”, “Ýaşlarda töwekgelçilige çydamlylygy döretmek: bilimiň orny” atly temalar boýunça çykyşlar edildi.
Merjen GURBANNAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň uly mugallymy.