Işjeň talyplar sylaglandy
2021-nji ýylyň 30-31-nji marty aralygynda S. A. Nyýazow adyndaky Türkmen oba hojalyk we Gazak-German uniwersitetleriniň bilelikde gurnamagynda talyplaryň arasynda Durnukly ösüş maksatlary boýunça geçirilen halkara onlaýn olimpiadanyň milli tapgyry geçirildi. Bu onlaýn olimpiada Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary fakultetiniň 2-nji ýyl talyplary M.Hojamyradow, A.Kerimow, J.Polatbaýew we Halkara gatnaşyklary fakultetiniň 2-nji ýyl talyby S.Rahymow dagylar gatnaşyp, üstünlikli çykyş etdiler.
2021-nji ýylyň 12 - nji aprelinde bu onlaýn olimpiadada çykyş eden talyplar Türkmenistanyň Magtymguly adyndaky Ýaşlar guramasynyň Türkmenistanyň Daşary işler ministrliginiň Halkara gatnaşyklary institutynda hereket edýän ilkinji guramasy tarapyndan gymmat bahaly sowgatlar bilen sylaglandy we degişli sertifikatlar gowşuryldy.. J.Polatbaýewiň bu olimpiada üstünlikli gatnaşyp, “Infrastructure, Industrialization and Innovation” ugry boýunça 3-nji orna mynasyp bolmagy biziň ählimiz üçin buýsandyryjy waka boldy.
Dünýägözel ÇARYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.