“Iňlis dili” dersi boýunça I halkara internet olimpiadasy
2022-nji ýylyň 17-nji maýynda Döwletmämmet Azady adyndaky Türkmen milli dünýä dilleri institutynyň guramagynda “Iňlis dili” dersi boýunça I halkara internet olimpiadasy geçirildi.
Türkmenistanyň ýokary okuw mekdepleriniň talyplarynyň arasynda zehinli ýaşlary ýüze çykarmak maksady bilen, “Türkmenistanda daşary ýurt dillerini okatmagy kämilleşdirmegiň Konsepsiýasyny”, “Türkmenistanda sanly bilim ulgamyny ösdürmegiň Konsepsiýasyny” durmuşa ornaşdyrmagyň çäklerinde we halkara derejesinde geçirilen bu I halkara internet olimpiadasyna Türkmenistanyň Daşary işler ministrliginiň Halkara gatnaşyklary inistitutyndan 39 talyp gatnaşdy. Bäsleşigiň netijeleriniň mälim edilmegi ýakyn günlerde garaşylýar.
Şageldi ÇOPANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň V ýyl talyby