HÜNÄR KÄMILLIGI — GELJEKKI ÖSÜŞLERE BADALGA
Gahryman Arkadagymyzyň, Arkadagly Gahryman Serdarymyzyň parasatly ýolbaşçylygynda häzirki wagtda ýurduň ygtybarly daýanjy hem guwanjy bolan ýaşlaryň päk terbiýe, döwrebap bilim almagyna aýratyn üns berilýär. Watansöýüji, giň gözýetimli, ahlak taýdan arassa we ynsanperwer ýaşlary terbiýeläp ýetişdirmek ugrunda ençeme işler durmuşa geçirilýär. Geljekki türkmen diplomatlaryny, halkaraçy hünärmenleri kemala getirýän Türkmenistanyň Daşary işler ministrliginiň Halkara gatnaşyklary institutynyň uçurym ýyl talyplarynyň güýzki önümçilik tejribeligini ýurdumyzyň daşary ýurtlardaky ilçihanalarynda we konsullyk edaralarynda geçmegi hem ýurdumyzda alnyp barylýan ýaşlar syýasatynyň durmuşa geçirilişiniň aýdyň subutnamalarynyň biridir.
Biz Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary fakultetiniň 5-nji ýyl talyby Ýupar Egirjäýewa we Halkara gatnaşyklary fakultetiň 5-nji ýyl talyby Gülruh Geldiýewa 2025-nji ýylyň
1-nji sentýabrynda Türkmenistanyň Özbegistan Respublikasyndaky Ilçihanasynda özümiziň önümçilik tejribeligine başladyk. Tejribeligiň dowamynda biz diplomatik hatlary, notalary we resminamalary ýazmagyň tertibi bilen tanyşyp, olary seljermegi we hasaba almagy öwrenýäris.
Bu tejribelik biziň nazaryýetde alan bilimlerimizi amalyýetde ulanmaga, şeýle-de halkara gatnaşyklarynyň biziň hünärimizde nähili derejede zerurdygyna giňden göz ýetirmäge mümkinçilik berýär. Şeýle hem bu ulgamda toplan tejribämiziň we bilimimiziň bize geljekde uly goldaw berjekdigine berk ynam bildirýäris.
Türkmen ýaşlarynyň ylymly-bilimli, kämil hünärmenler bolup kemala gelmegi ugrunda giň mümkinçilikleri döredýän Gahryman Arkadagymyza, Arkadagly Gahryman Serdarymyza sagbolsun aýdýarys.
Ýupar EGIRJÄÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň 5-nji ýyl talyby.